ದೊಡ್ಡ ಪತ್ರೆ

ದೊಡ್ಡ ಪತ್ರೆ 

•ದೊಡ್ಡ ಪತ್ರೆ ಎಲೆ, ತುಳಸಿ ಎಲೆ & ವಿಳೆದೆಲೆಯನ್ನು ಜಜ್ಜಿ ಹಿಂಡಿ ರಸತೆಗೆದು ಅದಕ್ಕೆ ಜೇನುತುಪ್ಪ ಬೆರೆಸಿ ಮಗುವಿಗೆ ಕುಡಿಸಿದರೆ ಕೆಮ್ಮು &  ನೆಗಡಿ ಗುಣವಾಗುವುದು.

• ೧ ವಾರದ ವರೆಗೆ ದೊಡ್ಡ ಪತ್ರೆಯ ಎಲೆಗಳನ್ನು ತಿಂದರೆ ಅರಿಶಿನಕಾಮಾಲೆ  ವಾಸಿಯಾಗುವುದು.

• ದೊಡ್ಡ ಪತ್ರೆ  & ಅರಿಶಿನವನ್ನು ಅರೆದು ಮೈಗೆ ಹಚ್ಚಿಕೊಂಡು ಅರ್ಧಗಂಟೆಯ ನಂತರ ಉಗುರು ಬೆಚ್ಚನೆಯ ನೀರಿನಲ್ಲಿ ಸ್ನಾನ ಮಾಡಿ,  ದೊಡ್ಡ ಪತ್ರೆಯ ಚಟ್ನಿಯನ್ನು ಸೇವಿಸಿದರೆ ಪಿತ್ತದ ಗಂಧೆಗಳು ಮಾಯವಾಗುತ್ತವೆ & ತಲೆ ಕೂದಲಿನ ಆರೈಕೆಗೆ  ಒಳ್ಳೆಯದು. 

• ದೊಡ್ಡ ಪತ್ರೆಯ ತಂಬುಳಿಯನ್ನು  ಆಗಾಗ್ಗೆ ಸೇವಿಸುತ್ತಿದ್ದರೆ ಪಿತ್ತ ದಿಂದ  ತಲೆದೋರುವ ಖಾಯಿಲೆಗಳು ದೂರವಾಗುತ್ತವೆ. 

• ದೊಡ್ಡ ಪತ್ರೆಯ ಎಲೆಯನ್ನು ಉಪ್ಪು ಸಹಿತ ತಿಂದರೆ ಜೀರ್ಣಶಕ್ತಿ ಅಧಿಕವಾಗುತ್ತದೆ.

• ಕೆಮ್ಮು, ದಮ್ಮು, ಉಬ್ಬಸ , ಹೊಟ್ಟೆ ನುಲಿಯುವುದು ಮುಂತಾದ ರೋಗಗಳಿಗೆ ದೊಡ್ಡ ಪತ್ರೆ ಒಳ್ಳೆಯ ಔಷದಿ.

• ದೊಡ್ಡ ಪತ್ರೆಯ ಚಟ್ನಿಯನ್ನು ಸೇವಿಸಿದರೆ ತಲೆಸುತ್ತು ನಿಲ್ಲುತ್ತದೆ.

• ದೊಡ್ಡ ಪತ್ರೆ ಎಲೆ, ಕಾಳು ಮೆಣಸು & ಉಪ್ಪನ್ನು ಅಗಿದು ರಸ ಕುಡಿದರೆ ಬಾಯಿಯ ದುರ್ನಾತ ದೂರವಾಗಿ ಪಿತ್ತ ಶಮನವಾಗುತ್ತದೆ.

• ದೊಡ್ಡ ಪತ್ರೆ ಎಲೆಯನ್ನು ಹುಳುಕಡ್ಡಿಯ ಭಾಗಕ್ಕೆ ತಿಕ್ಕುತ್ತಿದ್ದರೆ ಹುಳುಕಡ್ಡಿ ನಿವಾರಣೆಯಾಗುತ್ತದೆ.

• ದೊಡ್ಡ ಪತ್ರೆ ಎಲೆಯನ್ನು ತಿಕ್ಕಿಕೊಂದರೆ  ಚರ್ಮವ್ಯಾಧಿಗಳು ಗುಣವಾಗುವುವು.

* ಶೀತ ನಿವಾರಣೆಯಲ್ಲಿ ಸಾಂಬ್ರಾಣಿ ಪ್ರಮುಖ ಪಾತ್ರ ವಹಿಸುತ್ತದೆ. ಎಳೆಯ ಮಕ್ಕಳಿಗಂತೂ ಇದೊಂದು ದಿವ್ಯೌಷಧ.  ಮೂಗಿನಿಂದ ಶೀತದಿಂದ ನೀರಿಳಿಯುತ್ತಿದ್ದರೆ ಇದರ ಎಲೆಯನ್ನು ಬೆಂಕಿಯಲ್ಲಿ ಬಾಡಿಸಿ ರಸವನ್ನು ನೆತ್ತಿಗೆ ಹಿಂಡುವುದು ಪರಿಣಾಮಕಾರಿ. ಹಸಿ ಎಲೆಯ ರಸ ತೆಗೆದು ಜೇನು ತುಪ್ಪ ಸೇರಿಸಿ ಕುಡಿಯುವ ಮೂಲಕ ಕಫವನ್ನೂ ತಡೆಯಬಹುದು. ವೈರಾಣು ನಾಶಕ ಶಕ್ತಿ ಸಾಂಬ್ರಾಣಿ ಗಿಡಕ್ಕಿದೆ. ಹೊಟ್ಟೆ ನೋವಿಗೂ ಇದೊಂದು ಪರಿಣಾಮಕಾರಿ ಔಷಧ.

* ಶೀತ, ಕೆಮ್ಮು, ಜ್ವರದಂಥ ಕಾಯಿಲೆಗೆ ಮನೆಮದ್ದು. 

* ಎಲೆಗಳನ್ನು ಜಜ್ಜಿ ಮಾಡಿದ ಪೇಸ್ಟ್‌ಅನ್ನು ದೇಹದ ಮೇಲಿನ ಗಾಯ ಮತ್ತು ಚೇಳು ಕಡಿತದ ಜಾಗಕ್ಕೆ ಹಚ್ಚುವುದರಿಂದ ನೋವು ಶಮನ.

 *ದೊಡ್ಡ ಪತ್ರೆಯ ಸೇವನೆಯಿಂದ ಅಜೀರ್ಣದಿಂದಾಗುವ ಹೊಟ್ಟೆನೋವು, ಭೇದಿ, ಹೊಟ್ಟೆಯುಬ್ಬರ ಮುಂತಾದ ಉದರ ಸಂಬಂಧಿ ರೋಗಗಳಿಗೂ ಉತ್ತಮ ಔಷಧಿ.